Әлемде бір ғана туризм саласының арқасында қазынасын қампайтып отырған елдер бар. Халқының қомақты бөлігі сол туристерден түсетін ақшамен күн көріп отыр. Түркия, Испания, Италия, Франция сияқты мемлекеттерге жылына 50-60 миллион турист келеді екен, ал кейбір елдердің бюджетінің 20-30 пайыздайын туризмнен түскен табыс толтырады дегенді естігенде тіпті жағаңды ұстайсың. Бізде ше? Бізге қарап, біреу-міреу жаға ұстамай-ақ, құрығанда шөп сындырар ма екен?